venerdì 22 marzo 2024

giovedì 21 marzo 2024

Primavera

 Cara cummari, è primavera. Vene

De luntanu n'adduru de viole.

Iu me sientu'na cosa intra 'ste vene.

Chi nun t''o sacciu dire ccu parole.

 Vittorio Butera

domenica 17 marzo 2024

 Gente de oje, tutta acitu e ffele, eranu miegliu

i tiempi d'e purcine.



 Giovanni Villella ( Falerna)


venerdì 15 marzo 2024

Cchiù Cchiù

  S'ogne bbota te sciegli mu me chiami

I juorni chi 'un ce sugnu,

Sempre de cchiù m'addugnu

Miché ca cchiù nu' mm'ami.

           Iu no. Quantu cchiù amare su' re pene

Tantu cchiù, Ddo' Mmiché, ti vuogliu bene.


!5 marzo 1933

giovedì 14 marzo 2024

Sempre a muollu

 Ah , cchi munnu sciliratu!

e  cchi bbita 'nciuotisciuta!

Mmenu  male ca 'nn'è datu

 De nne fare  'na futtuta!

  Zerti juorni, mi  nne fazzu

Cchiù ca puozzu... Nove, dece...

E ssi forra tuttu cazzu

 Sterra sempre intra 'nu cece!.


Batulari

 I cujjintari su' bbatulari.

sabato 9 marzo 2024

Giuventù

 

--------------------------

' A giuventù de moni

È fatta de ricotta

S'ammusciadi a na botta.


 V. Butera

venerdì 8 marzo 2024

Anni Cinquanta

 jiamu  scauzi paise paise, cu ra fadeddra e fore e i cauzi rutti.

all'irtu e a ru pinninu  curriamu  cumu cavaddri  e sulu a sira a ru liettu ne sentiamu stanchi e dormiamu cumu gliri.

Escursione.


 

giovedì 29 febbraio 2024


 

mercoledì 28 febbraio 2024

Vinu cujjentaru

 Se sa, u vinu calabrise è tuttu buonu

ma 'u vinu cujjentaru è n'atra cosa.

Tene n'adduru ca un be dicu nente

e scinne pe ra canna lestamente,

Te duna forza, curaggiu ed energia

e te inchie puru u core d'allegria,

Nu bicchieri e te sienti n'atru tantu

Cu due, mparadisu  sagli cumu  santu

 Na buttiglia  e te scuordi u munnu sanu

E tutti i mali pensieri   currenu luntanu.

Perciò, si ppe' cent'anni vuoi campare sanu

tene sempre u vinu cujjentaru   suttamanu.

            A. Coltellaro 

giovedì 22 febbraio 2024

' A cammisa janca

 ' Mpitta a 'nnna corda. 'na cammisa janca,

Ogne ttantu s'abbuffa a ru libbicce;

S'ujja dde vientu. 'E maniche spalanca.

 E  ru munnu è ru miu, parica dice.


 VB